Өскемендегі кәсіпорынның нөсер кәрізінде жұмысшының денесі табылды

ШҚО Мемлекеттік еңбек инспекциясы департаментінің мәліметіне сүйенсек, оқиға қаладағы шағын кәсіпорындардың бірінде болған. Жұмысқа өз ауысымына келген жұмысшы әріптесін таппай, іздей бастаған.

«Көп ұзамай ер адамның денесі нөсер кәрізінен табылды. Сол жерге полиция қызметкерлері шақыртылып, тергеу басталды. Сараптама нәтижесінде, марқұмның алкоголь ішкеннен кейін болатын обструктивті механикалық асфиксиядан қайтыс болғаны анықталды», - делінген ақпаратта.

Еске салсақ, осыған дейін Шығыс Қазақстанда биыл болған жазатайым оқиғалардан кейін полиция қызметкерлері 59 іс қозғағаны хабарланған.