​"Өзіңді сатпа". Елбасы жұмыссыз жастарға үндеу жасады

ERNUR.KZ. Президент Нұрсұлтан Назарбаев жұмыссыз жүрген жастарға үндеу жасады, - деп жазады Тengrinews.kz.

Елбасы оларға оңай ақшаның соңынан қумай, адал ақша табуға шақырды.

"Мен жұмыс таппай, әркімнің бір есігін табалдырығын тоздырғаннан кейін оңай ақшаның соңынан кететін жастарға әрдайым жастарға айтып келемін. Қыздарға да, ұлдарға да. Мұндайды көру аянышты, себебі жұмыс бар. Бала бақсаң да, үй тазаласаң да, ас дайындасаң да, әйтеуір еңбек етуге болады, бірақ өзіңді өзің ешқашан сатпауың керек", - деді Назарбаев.

Ол жұмыссыздарға Naimi.kz ұялы қосымшасын ұсынды. "Бұл қосымша барлығына жұмыс ұсынады және жақсы ақша табуға көмектеседі. (...) Жұмыс - бақуатты өмірдің басты қайнар көзі", - деп кеңес берді Елбасы.

Еске салайық, таяуда жастар жылының логотипі бекітілгені хабарланды. 23 қаңтарда Астанада Қазақстандағы жастар жылының ресми ашылуы өтіп жатыр. Аталған іс-шара елімізде мемлекеттік жастар саясатын жан-жақты қолдау мен жүзеге асыруға бағытталған ауқымды іс-қимыл жоспарын іске асыруға бастау болмақ.