Қоршау өтіп бара жатқан адамның үстіне құлаған.
ERNUR.KZ. Аталмыш фактіге қатысты сараптама тағайындалды. Тексеру жүргізілуде, деп жазады 24.kz.
Павлодар облыстық Полиция департаментінің мәліметінше, бүгін, 1 қараша күні сағат 08:40-та «ВАЗ-2110» маркалы автокөліктің 21 жастағы жүргізушісі М.Горький көшесі мен Абай көшелерінің қиылысында жүріп келе жатып, «Жол бер!» жол белгісінің талаптарын орындамастан, «Хонда» маркалы автокөлігімен соқтығысқан.
"Соққыдан ВАЗ жүргізушісі жеке тұрған үйдің қоршауына соғылған, қоршау өтіп бара жатқан адамның үстіне құлаған. Жол-көлік оқиғасы салдарынан павлодарлық тұрғын жарақатпен ауруханаға жеткізілді. «Хонда» жүргізушісінің әйелі мен қызы медициналық көмекке жүгінді", – дейді департаментте.
