Президент «Қазавтожол» жұмысын сынға алды

ERNUR.KZ. «Қазавтожол» екі жыл ішінде техникалық қадағалау қызметтерін сатып алу бойынша 99 конкурс өткізді, деп жазады Azattyq Rýhy.

Бұл туралы бүгінгі Тоқаевтың қатысуымен өткен сыбайлас жемқорлыққа қарсы күрес жөніндегі кеңесте айтылды.

«Көбінесе, барлық нормативтік сүзгілерге қарамастан, қандай да бір тендерді кім жеңетіні белгілі. Мысалы, Қазавтожол екі жыл ішінде техникалық қадағалау қызметтерін сатып алу бойынша 99 конкурс өткізді. Олардың жартысын аффилиирленудің айқын белгілері бар төрт компания жеңіп алды. Бұл ретте елімізде екі мыңнан астам аккредиттелген ұйым және алты мың аттестатталған сарапшы бар. Сондықтан мемлекеттік сатып алуларға халықаралық деңгейдегі маңызды компаниялар сирек қатысатынына таң қалудың қажеті жоқ», – деді Тоқаев.

Тоқаевтың пікірінше, жеткізушіні таңдау рәсімдеріне көп ай кетеді, бірақ сапалы жұмыс жүргізіліп жатқан жоқ.