Сапарбаевтың онлайн жиынында оқыс жағдай болды

ERNUR.KZ. 19 ақпанда Жамбыл облысының әкімі Бердібек Сапарбаевтың онлайн режимде халыққа есеп беру кездесуі өтті, деп жазады zakon.kz.

Іс-шара онлайн режимінде өтті және ол бірнеше ақпараттық ресурс, соның ішінде облыстық "Жамбыл" телеарнасынан да көрсетілді.

Аймақ басшысы жұрттан келіп түскен сұрақтарға жауап беріп жатқанда мінберге бекітілген елтаңба салдыр-гүлдір етіп жерге түсті. Сасып қалған әкім сөзін ортасынан үзіп, төменге үңіліп жерде жатқан ел рәмізін көрді.

Әкім мемлекеттік рәмізді көтеруді сұрады, содан кейін ғана сөзін жалғастырды.