16 жастағы жасөспірім 2 жігітті жарақаттаған.
ERNUR.KZ. Сәтбаев қаласында 20 тамыз күні кәмелетке толмағандар арасында жанжал болды. 16 жастағы жасөспірім 16 және 17 жастағы екі баланы пышақпен жарақаттаған, деп жазады azattyq-ruhy.kz.
Облыстық ПД Ұйымдасқан қылмысқа қарсы күрес басқармасының қызметкерлері оқиғаның қатысушыларын жедел анықтап, ұстады.
«16 жастағы жасөспірім уақытша ұстау изоляторына қамауға алынды. Осы факті бойынша қылмыстық іс қозғалды, тергеу жүргізілуде», - деп хабарлады Ұлытау облысы полиция департаменті бастығының орынбасары Алмаз Саламатов.
Жанжалға қатысқан жасөспірімдердің ата-аналары әкімшілік жауапкершілікке тартылды.
