Сенат спикері Әшімбаев Қазақстанның мемлекеттік қарызы туралы айтты

ERNUR.KZ. Парламент Сенатының спикері Мәулен Әшімбаев Қазақстанның мемлекеттік қарызы туралы айтты, деп жазады tengrinews.kz.

Журналистер сұрағына жауап берген Сенат спикері мемлекеттік қарыздың өсуіне алаңдаушылық білдірді.

"Бұл өте күрделі мәселе. Осы жерде бұрыннан жұмыс істейтін журналистер біледі, былтыр мемлекет қарызы бойынша бұл мәселені көтергенбіз, оның өскенін сынаған едік. Содан кейін Үкімет жағдайды бақылауға алуға уәде берді, қазір бюджет аясында, әрине, бұл мемлекеттік қарыз мәселесін тағы да қарастырамыз", - деді Әшімбаев Сенат отырысында.

"Қазір айту қиын. Оны кеше ғана Мәжілістегі әріптестеріміз қарады, бүгін бюджет жобасын алуымыз керек, оны зерделейміз, мұқият қараймыз, сұрақтар туындаса, әрине, көтереміз, Үкімет өкілдерімен сөйлесеміз. Қандай мәселелер, нақтырақ айтсақ, не туралы сөйлесетініміз туралы пікір айтуға әлі ерте, құжатпен кем дегенде бір апта жұмыс істейік", - деп жауап берді Мәулен Әшімбаев.

Оның айтуынша, сенаторлар бюджетке түзетулерді 5 мамырда қарайды.

Бұған дейін Мәжілісте 2022 жылға арналған бюджетке түзетулер бекітілген болатын.