19 жастағы көршісі 17 жастағы түлекті шөп шабуға көмектеспегені үшін өлтіргені туралы ақпарат тарады.
ERNUR.KZ. Атырауда түлекті өлтірді деп айыпталған күдікті ұсталды. Бұған дейін полиция оны тұтқындамаған, деп жазады stan.kz.
Деректерге сүйенсек оқиға 4 шілде күні Махамбет ауданы Сарытоғай ауылында орын алған. 19 жастағы көршісі 17 жастағы түлекті шөп шабуға көмектеспегені үшін өлтіргені туралы ақпарат тарады. Бұл факт бойынша полиция алғашында "Абайсызда өлтіріп алу" бойынша сотқа дейінгі тергеген.
Бірақ 11 шілдеде Атырау облысы прокуратурасының нұсқауы бойынша күдіктінің әрекеттері "абайсызда өлімге әкеп соқтырған денсаулыққа қасақана ауыр зиян келтіру" бабы бойынша қайта қаралып, ол қамауға алынды.
"13 шілдеде сот күдіктіге қатысты екі ай мерзімге қамауда ұстау түріндегі бұлтартпау шарасын санкциялады. Істі тергеу барысы ерекше бақылауда", - деп хабарлады Атырау облысының прокуратурасы.
Ал марқұмның туыстары жігіттің абайсызда өлтірілмегеніне сенімді болған.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
