Өңірде өрт қаупін тудырған үш азамат әкімшілік жауапкершілікке тартылды.
ERNUR.KZ. Шығыс Қазақстан облысында өрт қауіпті кезең басталды. Бір ғана тәулік ішінде шөп өртін сөндіруге құтқарушылар шамамен 15 рет аттанған, деп хабарлады төтенше жағдайлар министрлігі.
Ахуалды тұрақтандыру және халыққа өрт қауіпсіздігі ережелерін түсіндіру мақсатында от пен құрғақ шөптің жануынан жиі өрт шығатын бау-бақша учаскелерінде профилактикалық рейд ұйымдастырылды. Бұл жұмыстарды ШҚО ТЖД мен Өскемен қаласының ТЖ басқармасы, ҚР ТЖМ екінші құтқару батальонының әскери қызметшілері және еріктілермен бірлесіп атқарып жатыр.
"Жағдайды бақылау үшін дрон пайдаланылды. Ол биіктен өрт ошағын жедел анықтауға және өрт қауіпсіздігі ережелері бұзылған аумақты тануға мүмкіндік береді", - деп жазылған хабарламада.
Өңірде өрт қаупін тудырған үш азамат әкімшілік жауапкершілікке тартылды.
![](/assets/thumbnails/e3/e317a3eef97db5332ca036ef099a3c6a.jpg ""Жездем үйленуге ұсыныс жасады": бір рет аузы күйген келіншек не жауап берерін білмей жүр")
![](/assets/thumbnails/6b/6bb51017bdc28a64388ca8da3cdb2698.jpg ""Ағашын түбімен жұлып әкелмеді": Ерке Есмахан күйеуінің ғашықтар күніне берген сыйлығын көрсетті")
