Талдықорғанда атыс болды (видео)

ERNUR.KZ. Талдықорғанда көшеде ер адам бірнеше рет тапаншадан оқ атқан, деп жазады Qamshy.kz.

Талдықорған қалалық полициясына 3-шағын ауданындағы кафенің жанында атыс болды деген қоңырау түсті. Оқиға орнына жеткен полиция қызметкерлері оқ жарақатын алған 45 жастағы ер адамды ұстады. Зардап шегуші Талдықорған қалалық ауруханасына жеткізілді.

Көп ұзамай полиция көрші үйлердің бірінде тұратын атысқа қатысты күдіктіні анықтап, оны полиция бөлімшесіне алып келді.

Күдікті ұстаған кезде мас күйде болған. Ойын-сауық мекемесінде жәбірленуші мен күдікті арасында жанжал туындағаны белгілі болды. Сондай-ақ көшеде ер адамдардың бірі қарсыласына бірнеше рет тапаншадан оқ атқан. Күдіктіден табылған қару газ травматикалық болып шықты. Куәгерлердің айтуы бойынша, мылтық бұдан бұрын қоқыс контейнерінен табылып, үйде сақталған.

"Аталған факті бойынша сотқа дейінгі тергеу Қылмыстық кодекстің 293-бабының 3-бөлігіне (Қаруды қолдану арқылы бұзақылық) сәйкес жүргізілуде", – деді Алматы облысы полиция департаментінің баспасөз қызметі.

Бұл бап бойынша бас бостандығынан 3 жылдан 7 жылға дейін шектеу немесе бас бостандығынан айыру жазасы қарастырылады.

Қылмыстық іс жүзінде қажетті сараптама тағайындалды. Қазір ұсталған адам қамауда.