Тимур Әбілқасымов ҚР Қаржы нарығын реттеу және дамыту агенттігі Төрағасының орынбасары болып тағайындалды

ERNUR.KZ. Мемлекет басшысының өкімімен Тимур Әбілқасымов Агенттік төрағасының орынбасары болды, деп хабарлайды Zakon.kz.

Тиісті құжатты Ақорданың баспасөз қызметі жариялады:

"Мемлекет басшысының өкімімен Тимур Бөкейханұлы Әбілқасымов Қазақстан Республикасының Қаржы нарығын реттеу және дамыту агенттігі Төрағасының орынбасары лауазымына тағайындалды."

Тимур Әбілқасымов 2011 жылы Қазақстан менеджмент, экономика және болжау институтын бизнес экономикасы және мемлекеттік саясат экономикасы мамандығы бойынша бітірді, Лондон бизнес және қаржы мектебінде тәуекелдерді басқару бойынша MBA дәрежесін алды. Ол Тәуекелдерді басқару кәсіпқойларының жаһандық қауымдастығының халықаралық FRM (қаржылық тәуекел менеджері) сертификатының иегері.

Оның ішінде Тимур Әбілқасымовтың операциялық тәуекел, Базель III және Data Science бойынша сертификаттары бар.

2021 жылы Әбілқасымов АРРДҚ төрағасының кеңесшісі қызметіне тағайындалғаны хабарланды. Оның міндеттеріне: қаржылық тұрақтылыққа қатысты мәселелерге қатысу, экономикалық және математикалық модельдеу, банк секторын стресс-тестілеу және т.б.