Мемлекет басшысы АҚШ-тың Орталық Азиядағы ядролық қарудан азат аймақ туралы шартқа теріс кепілдер туралы хаттаманы ратификациялауының маңыздылығын атап өтті.
ERNUR.KZ. Президент Қасым-Жомарт Тоқаев пен Америка көшбасшысы Джо Байден арасындағы әңгіменің егжей-тегжейі белгілі болды, деп жазады tengrinews.kz.
Белгілі болған ақпарат бойынша, әңгіме барысында Мемлекет басшысы АҚШ-тың Орталық Азиядағы ядролық қарудан азат аймақ туралы шартқа теріс кепілдер туралы хаттаманы ратификациялауының маңыздылығын атап өтті.
Бұған дейін хаттаманы Қытай, Ресей, Франция және Ұлыбритания ратификациялаған болатын. Бұл қадам аймақтың ядролық қарусыз мәртебесін институттандыру процесін аяқтайды және ядролық қарусыздану мен таратпауды нығайту жөніндегі халықаралық күш-жігердің маңызды кезеңі болады.
Орталық Азия солтүстік жарты шарда аумағында ядролық арсеналдарды орналастыруға тыйым салынған жалғыз аймақ екені атап өтілді. Осындай аймақтар Латын Америкасында, Африкада, Оңтүстік-Шығыс Азияда және Оңтүстік Тынық мұхитында құрылған.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
