Сот үкімімен Әбсаттаровқа мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айыра отырып, 9 ай бас бостандығынан айыру түріндегі жаза тағайындалды.
ERNUR.KZ. Қызылорда қалалық соты облыстық кәсіпкерлік және өнеркәсіп басқармасының басшысы Д. Әбсаттаровқа қатысты үкім шығарды, деп жазады tengrinews.kz.
"Ол бизнес өкілдеріне ұлының оқуына 1,4 млн теңге сомасында ақы төлеу және құны 6,8 млн теңге дизель отынын беру қажеттігі туралы заңсыз нұсқаулар беру арқылы лауазымдық өкілеттіктерін асыра пайдаланғаны үшін кінәлі деп танылды", - деп жазды Сыбайлас жемқорлыққа қарсы іс-қимыл Агенттігінің баспасөз қызметі.
Бұдан басқа, шенеунік өңір кәсіпорындарының сұйытылған газдың тиісті көлемін алу құқығын шектеу арқылы бизнес субъектілеріне 26,9 млн теңге сомасында залал келтіре отыра заңды кәсіпкерлік қызметпен айналысуға кедергі жасағаны үшін сотталды.
Сот үкімімен Әбсаттаровқа мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айыра отырып, 9 ай бас бостандығынан айыру түріндегі жаза тағайындалды, сондай – ақ мемлекеттік награда – "Ерен еңбегі үшін" медалінен айыру туралы ұсыныс енгізілді.
![Мектепте](/assets/thumbnails/a8/a81812a6683abcb84cf65bebc6967ad0.jpeg "Мектепте "АТА-АНАЛАР КҮНІН" өткізудің маңыздылығы қандай?")
![](/assets/thumbnails/01/019de2508f028fd1a011a76c9d5ff382.jpg ""Байлығына бола тиіп ем, ақшасы бақытты етпеді"")
![](/assets/thumbnails/ec/ecf5f68dc724abad5ec954ff9bf83368.jpg ""Күн өткен сайын тоқал туралы жыры көбейіп барады"")
