Зейнетақы қорынан 1,5 триллион теңге алынады - Смайлов себебін атады

23.11.2023 15:49

691

Үкімет басшысы қазақстандықтардың ақшасы міндетті түрде қайтарылатынына уәде берді.

ERNUR.KZ. Премьер-министр Әлихан Смайыловқа БЖЗҚ-дан Қазақстанның энергетикасын дамытуға 1,5 триллион теңге бөлу жоспары туралы сұралды. Үкімет басшысы қазақстандықтардың ақшасы міндетті түрде қайтарылатынына уәде берді, деп жазады tengrinews.kz.

"Егер үкімет қарызға алса, онда бұл қаражаттың республикалық бюджет қаражаты есебінен, бірінші кезекте квазимемлекеттік сектор қаражаты есебінен қайтарылуын міндетті түрде қамтамасыз етеді. Сондықтан, егер үкімет алса, онда бұл үкіметтің қарызында көрінеді. Бұл қарызға қызмет көрсету бюджетінде көрінеді. Сондықтан, егер олар міндеттемелер алса, міндетті түрде осы қарыздарды өтеуге қаражат қарастырылады. Сондықтан, әрине, бұл қаражаттың қайтарымы қамтамасыз етіледі", - деді Смайылов Сенат кулурарында өткен брифингте.

Ол Бірыңғай жинақтаушы зейнетақы қорының міндеті - салымшылардың зейнетақы активтерінің сақталуын қамтамасыз ету және көбейту екенін айтты. Сондықтан, зейнетақы қоры тиісті инвестициялық стратегияны қабылдады.

"Салымшылардың активтерін тек осы қаражатты қандай да бір кіріс құралдарына инвестициялау арқылы көбейтуге болады. Осы инвестициялық стратегияға сәйкес зейнетақы қоры салымшылардың қаражатын инвестициялауды жүзеге асырады, бұл активтердің мөлшерін олар нарықтық негізде жүзеге асыратын салымдар бойынша кірістілік есебінен көбейтеді. Нарықтық мөлшерлемелер бойынша және қайтарымды негізде айтып отырмын", - деді премьер-министр.

Оның айтуынша, бүгінде үкімет қаржыландыруды қажет ететін индустрияландыру, көлік, инфрақұрылым салаларындағы ірі жобаларды қарастырып жатыр.

"Біз әртүрлі қаржыландыру көздерін, соның ішінде зейнетақы қорының қаражатын қарастырамыз. (...) Қазіргі уақытта біз тарту шарттары бойынша осы мәселелерді Ұлттық банкпен бірлесіп пысықтап жатырмыз", - деді премьер-министр.