«Бетімен кетіп еді»: Былапыт сөздерімен танылған Мұрат Әбділдә сотталды

0
11 928

«Анасын көріп жүрегім қан жылады»


«Бетімен кетіп еді»: Былапыт сөздерімен танылған Мұрат Әбділдә сотталды

Әлеуметтік желі арқылы тікелей эфирде отырып, былапыт сөздерді қарша жаудырып танымал болған Мұрат Әбділдә сотталды.

Ән де айтып жүрген блогердің қамауда жатқаны туралы айтылатын видео ТікТок-та лезде тарап кетті.


Онда өзін Мұрат Әбділдәнің анасымын деген әйел ұлымен кездесуге кіргізбей жатқанын алға тартады. Желі қолданушылары болса, Мұрат Әбділдәнің не үшін қамалғанын білмей дал болды. Олар өз болжамдарын жасап, түрлі пікірлерін жаудырды. Басым көпшілігі Мұраттың бостандыққа шығуын тіледі.

Видеоға қатысты Түркістан облыстық Полиция департаменті жауап берді.


Ведомствадағылар Мұрат Әбділдәнің істі болғанын растады және оған сот үкімімен тиісті жаза тағайындалған.
Ол ішімдік ішіп, өзгенің ұлттық ар-намысына тиетін сөздер айтқан. Блогердің бұл әрекетінің видеосы желіде тараған. Намысым тапталды деген азамат полицейлерге өткен жылдың желтоқсан айында арыз түсіріпті.


"Аталған жайт Қылмыстық кодекстің 174-бабы 1-бөлігімен (Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру) тіркелді. Күдікті ретінде Сауран ауданының тұрғыны анықталды. Жан-жақты тергеу амалдары жүргізіліп, сараптамалар тағайындалған. Жинақталған іс-құжаттардың негізінде қылмыстық іс 2022 жылдың 31 қаңтарында айыптау актісімен бірге Сауран аудандық прокуратурасына жолданған. Қоғамда алауыздық тудыратын әрекеттерін қоймай, өзгенің ар-намысына тиген орта жас шамасындағы тұрғынға 31 наурызда Түркістан қалалық сотының үкімімен 5 жылға бас бостандығынан айыру жазасы тағайындалды", — деді Түркістан облыстық Полиция департаментіндегілер.
Мұрат Әбділдә бұған дейін де бірнеше рет сотты болған және тура осындай әрекеті үшін тағы да жаза арқалап отыр екен. Атап айтқанда, 2019 жылы Кентау қалалық соты 3 жыл 6 айға бостандығын шектесе, 2021 жылғы 30 шілдеде дәл осы сот үкімімен 4 жылға бостандығы шектелген. Сонымен қатар ол Кентау қаласы қылмыстық атқару инспекциясының бақылауында болған.
Өткен жылдың 15 желтоқсанында берілген сот-психиатриялық сараптама нәтижесінде ол сот алдында жауап бере алады деген қорытынды жасалған.


Айта кетейік, сот үкімі әлі заңды күшіне енген жоқ.

Танымал блогерлер «Миллион» командасындағы Мансар Орынхан мен Олжас Мамыр әлеуметтік желіде Мұрат Әбділдәға көмек беру туралы бастама көтерді.




Желідегілердің бірі «Біраз жерге барып қойыпты ғо», «Аузы жаман еді, дұрыс болған сабасына түсіп, тобасына келер» деп жазса, екінші бір топ «Аяқтарға неге бес жыл бермейді, үш рет сотталған 3 жыл 6 ай жазасы жеңіл. Ал боқауыз айтқанға 5 жыл біздің депутатар заңды дұрыс шығара алмай ма, ұйықтап отырып заң шығарғасын солай болады да», «Басқалар кешірім сұрап-ақ құтылып жатыр ғо, соларды ешкім көрмейді» деп Мұратты қолдау көрсетуде.