Белгілі эстрада әншісі Ернар Айдар өнер жолында аталық даналығын көрген, шарапатын, жанашырлығын сезінген композитор, әнші, марқұм Ескендір Хасанғалиевтің бейітіне барып, құран бағыштап, одан соң шаңырағына соға кетіпті.

Желідегі оқырмандар Ернар Айдардың бұл әрекетіне сүйсініп, жылы пікірлерін жазды.

«Қандай керемет! Дарико әжеміздің көңілін аулап қайтыпсың ғой», «Жарайсыз, Алла осы мәртебеңізді көп көрмесін. Дарико апамыз риза болып қалған екен», «Өлі риза болмай, тірі байымайды деген. Атамыздың жатқан жері жарық болсын, ұлылардың жолын берсін. Көпке үлгі боларлық тірліктер жасайсың. Қарапайымдылығыңды жоғалтпай, үлкендерден бата, кішілерден алғыс алып, аман-есен жүре бер!» деген комментарийлерді оқуға болады.