ТҮРКІСТАН: Теміржолшылар референдумға қолдау көрсетті

Түркістандық теміржолшылар референдумды қолдайтындықтарын жеткізді, деп хабарлайды ERNUR.KZ.

Биыл мемлекеттік басқару жүйесін өзгертіп, елдегі саяси ахуалға жаңа дем беретін Конституциялық референдум – жалпыхалықтық деңгейде алғаш өткізілмек.

Осы орайда, Арыс-1 вокзал қызметкерлері референдумның маңыздылығын түсіндіру бойынша түсіндірме жұмыстарынжүргізді. Жиын барысында теміржолшыларға референдум өткізу - саяси дамудың келесі кезеңі екендігін айтып, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын жеткізді.

Кездесуде қатысушыларды елге оң өзгеріс әкелуге септігін тигізетін, еліміздің Ата заңы - Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.

Өз кезегінде теміржолшылар да Президент Қасым Жомарт Кемелұлы Тоқаевтың бастамасымен 5 маусым күні өтетін жалпыхалықтық Референдумды қолдайтындарын айтты.