Белгілі жазушы Мархабат Байғұт өмірден өтті

Белгілі жазушы ардагер журналист, аудармашы Мархабат Байғұт 77 жасында бақилық болды, деп хабарлайды ERNUR.KZ.

Қазақ мемлекеттік университетінің филология факультетін бітірген. Сібір және Забайкалье әскери округтерінде әскерде болған. 1968-74 жылдары Түлкібас аудандық газетінде корректор, аудармашы, бөлім меңгерушісі, 1974-84 жылдар аралығында облыстық «Оңтүстік Қазақстан» газетінде аудармашы, тілші, аға тілші, бөлім меңгерушісі, 1984-85 жылдары облыстық партия комитеті насихат және үгіт бөлімінің нұсқаушысы, 1985-92 жж. Қазақстан Жазушылар одағы Шымкент облысаралық бөлімшесінің жетекшісі, 1992-93 жылдары Оңтүстік Қазақстан облысы әкімі аппараты ішкі саясат бөлімінің меңгерушісі, 1993-98 жылдары облыстық тіл басқармасының бастығы, 1998-2001 жылдары облыстық ақпарат және қоғамдық келісім басқармасы бастығының орынбасары, 2001-2003 жылдар аралығында осы басқарманың бастығы, 2003-04 жылдары облыстық ақпарат басқармасының бастығы, 2005-2008 жылдары облыстық тілдерді дамыту жөніндегі басқарманың бастығы, 2008 жылғы мамыр айынан 2012 жылғы мамыр айына дейін «Егемен Қазақстан» газетінің Оңтүстік өңір бойынша (Оңтүстік Қазақстан, Қызылорда, Жамбыл) арнауылы тілшісі, 2012-2016 жылдары «Қазығұрт KZ» альманахының, кейіннен журналының бас редакторы қызметін атқарған.