Тұрғындар тарапынан бұл демалыс орнын «Алатау» деп атау ұсынылды.
Шымкент қаласы Қаратау ауданы «Орманшы» елдімекеніндегі бұрынғы құрылыс қалдықтары полигоны аумағы бүгінде демалыс орнына айналды, деп хабарлайды ERNUR.KZ.
Құрылыс жұмыстары қыркүйек айында толығымен аяқталды.
Таяуда қала әкімі М.Әйтенов абаттанған нысанды аралап, құрылыстың сапасымен танысқан болатын.
Бүгін елдімекенде демалыс орнының салтанатты ашылу рәсімі өтті. Іс-шараға Қаратау ауданы әкімі орынбасары А.Парманов, Қаратау ауданының ардагерлері және БАҚ өкілдері қатысты.
Тұрғындар тарапынан бұл демалыс орнын «Алатау» деп атау ұсынылды. Елдімекен тұрғындары жылдар бойы қоқыс полигонының иісі мен түтеген түтінінен зардап шеккен кездерін еске алып, бүгінде бұл мәселе оң шешімін тапқанына қуанып отыр.
Демалыс орнының ауданы 4,48 гектарды құрайды. Онда балаларға арналған ойын және спорт алаңшалары орналасқан. Сондай-ақ, жарықтандыру бағаналары, орындықтар, қоқыс урналары және әр түрлі пішінде кіші сәулет мүсіндері орнатылған.
![](/assets/thumbnails/af/af0c83bad496dfbd5531c69edad783ab.jpg ""Байдың қызын алмағанына ренжіп, он жыл бойы қорлап келген" - шымкенттік келіннің шері")
