Шымкентте Диваев көшесіндегі гүлзар пайдалануға берілді

12.11.2024 16:36

150

Бүгін Шымкент қаласы Әл-Фараби ауданы аумағында қала әкімінің бастамасымен соғылған жаңа гүлзар ел игілігіне берілді.

Салтанатты ашылу рәсіміне Ғабит Әбдімәжитұлы арнайы қатысып, жергілікті халықпен тілдесті. Тұрғындар әсем гүлзардың салынғанына ерекше ризашылықтарын білдірді.

Жалпы аумағы 0,31га құрайтын А.Диваев көшесінде орналасқан гүлзарда шынар, гуджу, каштан ағаш көшеттері мен көпжылдық сәндік гүлдер отырғызылды. Жалпы 20 көпқабатты тұрғын үй мен 3 300 адамды қамтитын гүлзарда балаларға арналған 2 әткеншек, 1 шахмат үстелі, 2 теннис үстелі, 18 мәрмәрдан жасалған орындық, 13 қоқыс жәшігі, 4 вазон, 34 жарықшам бағанасы, 6 пергола, 14 декоративті тас орнатылды. Құрылыс жұмыстары барысында 1031 ш.м құрайтын аумаққа мәрмәрдан жасалған аяқжол салынып, 1014 ш.м аумақ көгалдандырылды.

Сондай-ақ, қала тұрғындары мен қонақтарының ыңғайлылығы үшін 2 велотұрақ, ауызсу бұрқағы және фотоаймақ жасалды.

Айта кету керек, Шымкент қаласы күн санап көркейіп, тұрғындарға қолайлы жағдай жасауда қарқынды дамып келеді. Соңғы жылдары қаладағы экологиялық жағдайды жақсарту және тұрғындардың демалыс орындарын көбейту мақсатында көптеген гүлзарлар салынып жатыр. Бұл бастамалар тек қала эстетикасын жақсартумен ғана шектелмей, сонымен қатар экологиялық тұрақтылықты сақтауға үлкен үлес қосады.

Қаладағы гүлзарлар тұрғындарға таза ауада серуендеуге, табиғат аясында демалуға мүмкіндік береді. Көптеген жаңа жобаларда ерекше дизайндық шешімдер қолданылып, түрлі гүлдер мен ағаштар отырғызылды. Бұл Шымкент қаласын көркем етумен қатар, экологиялық тепе-теңдікті сақтау мақсатында жүзеге асырылады. Қаладағы ауа сапасын жақсартуға, жаздың ыстық күндерінде қала тұрғындарына сая болатын орындар жасалуда.

Қазіргі таңда салынып жатқан гүлзарлардың әрқайсысы өзіндік бірегей концепцияға негізделген. Мысалы, кейбір жобаларда ұлттық ою-өрнек элементтері қолданылып, қазақ мәдениетін бейнелейтін инсталляциялар орнатылуда. Басқа гүлзарлар заманауи стильде безендіріліп, қаланың даму динамикасын көрсетуге тырысады. Орындықтар, жүргіншілер жолдары және жарықтандыру жүйелері қала тұрғындарының кешкі серуендеулеріне қолайлы жағдай жасайды.