Шымкентте сыбайлас жемқорлық туралы хабарлағандар 2 млн теңгеден астам сыйақы алды

10.11.2021 17:20

519

Жыл басынан бері өтініштері бойынша сыбайлас жемқорлық құқық бұзушылықтарының жолын кесуге ықпал еткен 12 тұлға көтермеленді.

иллюстрациялық сурет: ашық дереккөзден

Шымкент қаласында сыбайлас жемқорлық туралы хабарлағандар 2 млн. теңгеден астам сыйақы алды, деп хабарлайды ERNUR.KZ.

Бұл туралы Шымкент қаласы бойынша Сыбайлас жемқорлыққа қарсы қызметі басшысының бірінші орынбасары Т.Серікбаев мәлімдеді.

Сыбайлас жемқорлық құқық бұзушылық туралы хабарлаған немесе сыбайлас жемқорлыққа қарсы іс-қимылға өзге де жолмен жәрдемдесетін тұлғалар үшін заңнамалық түрде біржолғы ақшалай сыйақылар белгіленген.

Жыл басынан бері өтініштері бойынша сыбайлас жемқорлық құқық бұзушылықтарының жолын кесуге ықпал еткен 12 тұлға көтермеленді. Олардың сыйақы мөлшері 2 млн. теңгеден астам соманы құраған.

Сондай-ақ, ол Сыбайлас жемқорлыққа қарсы қызметінде тәулік бойы 1424 CaII-орталығының жұмыс істейтіндігін атап өтті.

Лауазымды тұлғалар тарапынан ақша қаражатын бопсалау, жымқыру, өкілеттілігін асыра пайдалануға тап болған кез келген азамат осы номерге хабарласа алады.

Мамандар хабарлама қабылдайды, кеңес береді және міндетті түрде тиісті шаралар қабылданады.