149 секундта чемпион: 21 жастағы қазақ ешбір қарсыласын минутқа шыдатпаған

ERNUR.KZ. Қазақстандық дзюдошы Данияр Шамшаев Нұр-Сұлтандағы Азия чемпионатын жеңіп алуға екі жарым минут жұмсаған, деп жазады Vesti.kz.

73 келіге дейінгі салмақ финалында 21 жастағы Шамшаев өзбекстандық Муроджон Юлдошевпен 34 секунд белдесті.

Данияр финалға дейінгі үш жекпе-жекте де бір минутқа жеткізбей жеңді: үндістандық Нингтоужама Суреш Сингх пен тәжікстандық Бехрузи Хожазодаға 42 секундтан, ал қырғызстандық Чингисхан Сагыналиевті жығуға 31 секунд уақыт кетірген.