Альваресті жеңген Биволдың келесі қарсыласы белгіленді

ERNUR.KZ. Жартылай ауыр салмақта WBA чемпионы Дмитрий Бивол (20-0, 11 КО) және белбеуге міндетті қарсылас Хильберто Рамирес (44-0, 30 КО) жекпе-жек туралы келісімге келді, деп жазады vesti.kz.

Жекпе-жек 5 қараша Араб Әмірліктерінде өтеді.

31 жастағы Бивол мамырда мексикалық Сауль "Канело" Альваресті (57-2-2, 39 КО) төрешілер шешімімен жеңген.

Ресейлікпен жасты Рамирес өткен айқасында германиялық Доминик Бесельді (32-3, 12 КО) нокаутқа түсірді.

Мұның алдында WBA Биволдың міндетті қорғауын шегеру туралы ұсынысты қабылдамады: ресейлік боксшы британиялық Джошуа Буатсиге (16-0, 13 КО) қарсы ерікті қорғау өткізгісі келген.