Бокстан Азия чемпионаты Таиландта өтеді

ERNUR.KZ. Азия бокс конфедерациясының баспасөз қызметі 2024 жылғы Азия чемпионатының өткізілетін орнын өзгерту туралы ресми мәлімдеді, деп жазады inbusiness.kz.

Ұлттық олимпиадалық комитеттің мәліметінше, алғашында турнир Иорданияның Амман қаласында өтуі жоспарланған. Бірақ ресми мәліметтер бойынша, биылғы жылы чемпионат Таиландтың Чиангмай қаласына өзгертілді.

Айта кетейік, соңғы рет Таиланд Азия чемпионатын 2019 жылы қабылдаған еді.