Қазақстан 1994 жылдан бері Азия ойындарына сегізінші рет қатысады.
ERNUR.KZ. 2023 жылғы 23 қыркүйек пен 8 қазан аралығында Қытайдың Ханчжоу қаласында ХІХ жазғы Азия ойындары өтеді, деп жазады baq.kz.
Осы аралықта сары құрлықтағы 45 елдің 15 мыңнан астам өкілі 40 спорт түрінен 481 медаль жиынтығын сарапқа салады. Ойындардың ашылу рәсімі 23 қыркүйекте Олимпиада спорт орталығы стадионында өтеді. Қазақстан Ханчжоу қаласына 30 спорт түрінен 524 атлет (262 ер, 262 әйел) апарады. Оның ішінде Олимпиада бағдарламасына кіретіні 27, қалған үшеуі олимпиадалық емес спорт түрі.
Сонымен қатар, алдағы додада спорттың 8 түрінен: бокс, садақ ату, қазіргі бессайыс, жүзу, брейкинг, көгалдағы хоккей, теннис пен жеңіл атлетикадан Париж Олимпиадасына лицензиялар ойнатылады Сондай-ақ спорттың 4 түрінен: таеквондо, дзюдо, триатлон, бадминтоннан рейтингтік ұпайлар сарапқа салынады.
Айта кетейік, Азия ойындары- Азиада деп те аталады - Азия Олимпиадалық кеңесінің (АОК) басқаруымен Азия құрлығының спортшылары арасында 4 жылда бір рет өтетін кешенді спорттық жарыс. Халықаралық Олимпиада комитетімен ресми түрде континенттік ойындар ретінде танылған.
Қазақстан 1994 жылдан бері Азия ойындарына сегізінші рет қатысады.
