Ұшақ бүкіл қаланы - Астананың оң және сол жағалауын айналып ұшқан.
фото: видео скрин
ERNUR.KZ. Астана аспанында бірнеше жойғыш ұшақ ұшып өтті. Оқиғаға куә болғандар мұны видеоға түсіріп алған, деп жазады tengrinews.kz.
Ұшақ бүкіл қаланы - Астананың оң және сол жағалауын айналып ұшқан.
Кадрлардан ұшақтың артында түтін қалғанын көруге болады.
Еске салайық, кеше Қорғаныс министрлігі 2024 жылғы 23-24 қараша күндері Астанада Қазақстан Қарулы күштері авиациясының оқу-жаттығуы өтетінін хабарлаған еді.
Аталған іс-шара арнайы түтінді пайдалану арқылы ҚР Әуе қорғанысы күштерінің оқу-жаттығу ұшулары шеңберінде өткізілетіні ескертілді.
"Авиацияның ұшуы қауіпсіз биіктікте өтетіндіктен, қала өмірінің әдеттегі қалпын бұзбайды. Іс-шара ұшу қауіпсіздігі шараларына сәйкес ұйымдастырылатындықтан, тұрғындарға ешқандай қауіп төндірмейді. Қолданылатын түрлі-түсті түтіндердің экологиялық зияны жоқ", - делінген хабарламада.
