Қазақстандық таеквондошылар Иранда 15 медаль жеңіп алды

ERNUR.KZ. Азия федерациясының президенті кубогының соңғы күнінде Қазақстан қоржынына тағы бір медаль түсті, деп жазады Olympic.kz.

Бұл жолы 68 келінің өкілі Ерасыл Арапбай қола жүлдеге қол жеткізді.

Осылайша қазақстандықтар аталған турнирде үш медаль иеленді: Жансель Дениз – алтын, Смайыл Дүйсебай мен Ерасыл Арапбай – қола жүлдегерлер.

Естеріңізге сала кетейік, қазақстандықтар Иран астанасында үш халықаралық жарысқа қатысты: клубтар арасында Азия чемпионаты, дәстүрлі «Fajr Open» турнирі және Азия федерациясы президентінің кубогы.

Аламан бәйгелер қорытындысы бойынша Қазақстан ұлттық құрамасында әртүрлі дәрежедегі 15 медаль бар: екі алтын, үш күміс және 10 қола.