Шымкентте түнгі уақытта өзгенің үйіне баса көктеп кіріп тонағандар ұсталды

Шымкентте түнде пәтер тонаған 20-25 жас шамасындағы Шымкент қаласының екі тұрғынын күдікті ретінде ұсталды, - деп хабарлайды ERNUR.KZ тілшісі ОҚО ІІД баспасөз қызметіне сілтеме жасап.

"Ағымдағы жылдың қаңтар айында Шымкент қалалық ІІБ Әл-Фараби ПБ-не әйел азаматы арызданып, онда түнгі уақытта белгісіз тұлғалар үйіне кіріп, ақша, ұялы телефон және басқа да бағалы заттарын тонап кеткенін айтып шағымданған. Тәртіп сақшыларының жедел-іздестіру іс-шараларының барысында бұған дейін сотты болған, 20-25 жас шамасындағы Шымкент қаласының екі тұрғынын күдікті ретінде ұстады" делінген хабарламада.

Қазіргі таңда ұрлық фактісі бойынша сотқа дейінгі тергеу амалдары жүргізілуде. Күдіктілердің өзге де тонау әрекеттеріне қатысы бар-жоқтығын анықталып жатыр.