Лицензиялау кезең-кезеңмен жүзеге асырылады деп жоспарлануда.
Бүгін Түркістан облысының білім саласында сапаны қамтамасыз ету департаменті мектепке дейінгі ұйымдарда лицензиялауды енгізу бойынша брифинг өткізді, деп хабарлайды ERNUR.KZ.
Онда департамент басшысының орынбасары Жанар Сатыбалдықызы лицензиялау – балабақшалардың қызмет көрсету сапасын арттыратынын айтты.
«Лицензиялаудың мақсаты - балабақшаларды жабу емес. Керісінше, мемлекет мектепке дейінгі ұйымдардың дамуына жағдай жасайды. Барлық жұмыс істеп тұрған балабақшалар тәуекелдерді бағалау негізінде лицензия алатын болады. Балабақшаға бармай-ақ, қауіпті жағдайлар Ұлттық білім деректері базасы арқылы автоматтандырылған жүйеде анықталатын болады. Лицензия беру бойынша мемлекеттік қызмет толық автоматтандырылған, лицензиар мен лицензиат арасында тікелей өзара іс-қимыл жоқ», - деді департамент басшысының орынбасары.
Айта кету керек, лицензиялау кезең-кезеңмен жүзеге асырылады деп жоспарлануда.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
