ТҮРКІСТАН: «TURKISTAN INVEST» фронт-офисі құрылды

Қазақстан Үкіметі барлық аймақтарда инвесторларды сүйемелдеу бойынша фронт-офистер қызметін жүзеге асыру ережесін бекітті. Аталмыш тәсіл инвестордың құжат жинау және дайындау процессіне қатысуын азайту және олардың мемлекеттік органдармен тікелей байланысын шектеуді көздейді.

Осыған орай, Түркістан облысы Әкімдігінің жұмысын атап өткен жөн. Қазіргі уақытта өңірде бизнесті дамыту, инвесторлар үшін қолайлы жағдай жасау, экспорттық әлеуетті арттыру және туризмді дамытуға баса назар аударылуда.

Сонымен, Түркістан облысында «TURKISTAN INVEST» деп аталатын фронт-офис құрылды. Ол инвесторларды тарту және сүйемелдеу, сондай ақ, экспортты дамыту жұмыстарын атқаруда.

«Қазіргі уақыт инвесторлар және экспорттаушылармен жұмыс жүргізудің жаңа тәсілін талап етеді. Инвестиция және экспорт параллельді түрде дамуы тиіс бағыттар, себебі шетелдік инвесторларды тарта отырып, біз экспорттаушылар үшін әлемдік нарыққа жаға жол ашамыз. Осылайша, еліміздің экспорт географиясын айтарлықтай кеңейту мүмкіндігі пайда болмақ. Осының негізінде біз аймақтық экономиканы дамыту саясатын әзірлейтін Инвестициялар және экспорт басқармасын құрдық. Сондай-ақ осы екі бағытты «бір терезе» режимінде жұмыс істейтін фронт-офиске біріктіру тиімді, деп шештік», - деді Түркістан облысы әкімінің орынбасары Меиржан Мырзалиев.

Сонымен қатар, инвестицияларды тарту тетіктерінің тиімділігін арттыратын бірыңғай инвесторлар базасы құрылды.

Бүгін Түркістан облысының фронт-офисі өңірдің экономикалық әлеуетіне талдау жасады. Оның негізінде басым инвестициялық бағыттар анықталып, тауаша жобалар әзірленді.Нәтижесінде жалпы сомасы 106,9 млрд.теңгеге 11 тауаша жоба дайындалды. 86 инвестициялық жобадан тұратын тізбе әзірленді. Жобалар құны 338 млрд.теңге. Аталған жобалардың ішінде 4 317 жаңа жұмыс орындарын ашуға мүмкіндік беретін сомасы 179 млрд.теңгеге 43 жоба 2019 жылда жүзеге асырылып жатыр. Оның ішінде құны 53,1 млрд.теңгені құрайтын 6 жоба шетелдік капитал қатысуымен іске асырылуда. Бұл жобалар жұмыссыз жүрген 443 азаматты жұмыс орнымен қамтамасыз ететін болады.

Шетелдік инвесторлар және экспорттаушылардың қолайлылығы үшін қажетті ақпаратты қамтитын және фронт-офиспен жұмыс барысын айқын болуына негіз болатын бірыңғай сайт дайындалуда.

Статистика мәліметтеріне сәйкес, Түркістан облысының негізгі капиталына салынған инвестициялар көлемі 2019 жылдың 5 айында 87,3 млрд.теңгені құрады, бұл 2018 жылдың сәйкес кезеңімен салыстырғанда 129,8% -ға жоғары.

Экспортты дамыту бойынша да көптеген жұмыстар атқарылды. Экспорт географиясы бойынша талдау жасалынып, барлық мүмкін тосқауылдар мен шешімдер анықталды, соның негізінде экспорттаушылардың бірыңғай базасы жасалды.

Қазіргі «Цифрлық Қазақстан» мемлекеттік бағдарламасы бойынша бүкіл экономика цифрлық форматқа ауысқандықтан, аймақта ШОБ дамытудың негізгі факторы бола алатын «Turkestan Digital Trade» көп функционалды цифрлық сауда алаңы іске қосылды.

Статистикаға сәйкес, Түркістан облысының өңделген экспорттық өнімдерінің көлемі 2019 жылдың 6 айында 342,3 млн. АҚШ долларын құрап, 2018 жылдың сәйкес кезеңімен салыстырғанда 132,5% -ға артты.

Айта кету керек, фронт-офис тәулік бойы жұмыс істейді. Кеңседе қоңырау шалу орталығы (call-center: 20-14) жұмыс істейді, байланыс қолайлығын арттыру мақсатында мобильді құрылғы арқылы байланыс орнатылады.