Түркістанда трансформатор ұрлығымен айналысқан өзбекстандық ұсталды

Түркістан қаласында 60 жастағы тұрғынның ауласынан бағасы шамамен 700 000 теңге тұратын трансформатор қолды болған, -деп хабарлайды ERNUR.KZ ОҚО ІІД Мемлекеттік тіл және ақпарат басқармасына сілтеме жасап.

Жедел ізкесушілер жүргізген іс-шарасы барысында күдікті, 1978 жылы туылған, Өзбекстан азаматын ұстаған.

Тергеу барысында ұсталған азаматтың бөтеннің мүлкін ұрлаудың 4 жайтына қатысы бары анықталды. Күдікті қамауда. Қазіргі таңда аталған жайт бойынша ұрлық бабымен сотқа дейінгі тергеу амалдары жүргізілуде.