Бұл вирустан биылдың өзінде 1800-ден астам адам қайтыс болған.
ERNUR.KZ. Панамерикалық Денсаулық сақтау ұйымы Америкада биыл 5,2 миллионнан астам адам денге вирусын жұқтырған деген дерек береді, деп жазады azattyq-ruhy.kz.
Бұл өткен айдағы мәліметтен 48% көп. Денге вирусын масалар таратады. Одан биыл 1800-ден астам адам көз жұмған.
Панамерикалық Денсаулық сақтау ұйымының басшысы Жарбас Барбоза денге ауруының Америкада «төтенше жағдай» тудырып отырғанын айтты. Оның дерегінше, вируспен ең көп ауырған - Аргентина мен Бразилияның халқы.
Барбозаның айтуынша, денгеге қарсы вакцинаның саны шектеулі, оның үстіне вакцина тез әсер етпейді.
«Денгеге қарсы вакцинасының өлім-жітімді азайтуда маңызы зор, бірақ ол әсер еткенге дейін біраз уақыт алады», - деді ұйым басшысы.
Кейбір ауыр жағдайларда қан кетіп, науқастың өліміне әкеледі.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
