Америкада баласының қылмысы үшін ата-ана 10 жылға сотталды

10.04.2024 17:15

546

17 жастағы жеткіншек адам өлтіргені үшін өмір бойына сотталған.

ERNUR.KZ. Американың Мичиган штатында мектеп оқушыларын атып өлтірген жеткіншектің ата-анасы 10 жылға сотталды, деп жазады azattyq-ruhy.kz.

2021 жылы Итан Крамблей үйіндегі тапаншаны алып шығып, мектепке келген, сосын 4 оқушыны атып өлтірген. Ол қазір 17 жаста, адам өлтіргені үшін өмір бойына сотталған.

Жеткіншектің ата-анасы үйдегі тапаншаны қауіпсіз жерге тығып ұстамай, баласының психологиялық денсаулығына назар аудармаған деген айыпқа ілініп отыр. Олар 10 жылға бас бостандығынан айырылды.

Баланың қылмысы үшін ата-анасын соттау АҚШ тарихындағы алғашқы жағдай.