Қытайда карантиндік шаралар жеңілдетілмейтін болды

ERNUR.KZ. Қытайда карантиндік шаралар жеңілдетілмейтін болды, деп жазады baq.kz.

Қытай астанасында коронавирустың өршуіне байланысты мейрамханалар жабылды. Сонымен қатар, COVID-19 эпидемиясының алдын алу және оған қарсы күрес жөніндегі Пекин муниципалды комиссиясы «Сяотаншань» ковидтік ауруханасын қайта ашуға шешім қабылдады.

Алдағы күндері қоғамдық орындарға кіруге одан да үлкен шектеулер қойылады деп жарияланды. Онда бару үшін тұрғындар COVID-19 тестін тапсыруы керек. Көлік объектілерінде, көрме кешендерінде, мәдениет және спорт, сауда, қоғамдық тамақтану объектілерінде, қонақ үйлерде, мемлекеттік мекемелер мен медициналық ұйымдарда санитариялық шаралар енгізіледі. Соңғы тәулікте Пекинде инфекцияның 53 жағдайы тіркелді, ал бүкіл ел бойынша 50 000-нан астам жұқтырған адам анықталды.