Лариса Гузеева ауруханаға түсті - БАҚ

ERNUR.KZ. Бірінші арнадағы "Давай поженимся" телешоуының жүргізушісі Лариса Гузеева COVID-19 жұқтырған науқастар емделіп жатқан Мәскеу қалалық № 40 клиникалық ауруханасына жатқызылды. Актриса ауруханаға 26 қыркүйек, жексенбіде кешке жеткізілді, деп жазады Tengrinews.kz.

Басылым дереккөзінің айтуынша, тележүргізуші коронавирус жұқтырмаған. Коммунаркада актриса COVID-19 тестінен өтті, сараптама теріс нәтиже көрсеткен.

"Қазір Гузеева палатада жатыр, дәрігерлер жағдайын тұрақты деп бағалайды. Алайда, дереккөздің айтуынша, ол қатты күйзелісте, дәрігерлер әйгілі науқасына тыныштандыратын дәрі берген. Тележүргізуші ауруханаға қандай диагнозбен түскені әзірше белгісіз", - делінген мақалада.

Басылым атап өткендей, жексенбіде таңертең Гузеева Instagram-да демалысын өткізіп жатқан Қырымнан сурет жариялаған. Атап айтқанда, ол тыңдармандарына Қырым клиникаларының бірінде косметикалық процедуралар қалай жүргізілетінін көрсеткен.