Өзбекстанның халық әртісі Мурад Раджабов қайтыс болды

ERNUR.KZ. Өзбекстанның халық әртісі Мурад Раджабов 74 жасында қайтыс болды, деп жазады tengrinews.kz.

Әйгілі актердің қайтыс болғаны туралы 8 сәуір кешке Өзбекстан кинематография агенттігі телеграм-каналында мәлімдеді.

"Өзбекстанның халық әртісі, сүйікті актеріміз Мурад Раджабов ұзаққа созылған науқастан кейін 74 жасында қайтыс болды", - делінген хабарламада.

Мурад Раджабов 1949 жылы 30 мамырда Ташкентте дүниеге келген. А.Н.Островский атындағы Ташкент театр-көркемсурет институтының актерлік факультетін бітірген.