Челябі облысының губернаторы шабуылдан зардап шеккендер барын хабарлады.
ERNUR.KZ. Ресей Федерациясындағы Челябинск қаласының № 68 мектебінде оқушы сыныптастары мен мұғалімдерге балғамен шабуыл жасады. Бұл туралы Челябі облысының губернаторы Алексей Текслер өзінің Telegram-арнасында хабарлады, деп жазады inbusiness.kz.
"Челябинск қаласындағы 68 мектепте төтенше жағдай. Оқушы басқа оқушылар мен мұғалімдерге шабуыл жасады. Зардап шеккендер бар. Олар ауруханаға жатқызылды, барлық қажетті медициналық көмек көрсетіледі", - делінген хабарламада.
Текслер жағдайды жеке бақылауға алғанын хабарлады. Жергілікті жерде құқық қорғау органдары жұмыс істейді, қала басшысы, бала құқықтары жөніндегі уәкіл тергеу жүргізілуде, деп атап өтті өңір басшысы.
"Оқушының мектепке балғамен қалай кіргені үлкен сұрақ. Неліктен күзет жауап бермеді. Құқық қорғау органдарына, білім министрлігіне, қала әкімшілігіне, бала құқықтары жөніндегі уәкілге жағдайды егжей-тегжейлі түсінуге тапсырма берілді", - делінген басылымда.
Текслер сонымен қатар барлық білім беру ұйымдарында тексерулер жүргізуді тапсырды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
