Жергілікті БАҚ-тың хабарлауынша, Токио 2020 ұйымдастыру комитетінің бас директоры Тосиро Муто Олимпиада ойындарын ұйымдастырушылар құрамындағы шетел азаматынан коронавирус анықталғанын растаған.
ERNUR.KZ. Токиодағы Олимпиада ауылында COVID-19 вирусын жұқтырудың алғашқы дерегі тіркелді, деп жазады inbusiness.kz. Ұйымдастыру комитетіне сілтеме жасап.
Жергілікті БАҚ-тың хабарлауынша, Токио 2020 ұйымдастыру комитетінің бас директоры Тосиро Муто Олимпиада ойындарын ұйымдастырушылар құрамындағы шетел азаматынан коронавирус анықталғанын растаған. Алайда ол вирусты кім жұқтырғанын, оның ұлтын айтпаған. Ұйымдастыру комитетінің мәліметінше, 1 шілдеден бері 45 адамнан COVID-19 вирусы анықталған.
Бүгін коронавирустың бар-жоғына ПТР-тест тапсырған 15 адамнан вирус анықталған: Олимпиада ойындарының өтуін қамтамасыз ететін 7 қызметкер, делегациядан 6 адам, 2 журналист. Оның 8-і шетелдік.
Биыл дүбірлі дода 23 шілде – 8 тамыз аралығында көрермендерсіз өтеді.
![Мектепте](/assets/thumbnails/a8/a81812a6683abcb84cf65bebc6967ad0.jpeg "Мектепте "АТА-АНАЛАР КҮНІН" өткізудің маңыздылығы қандай?")
