Түркия Президенті Режеп Тайип Ердоған Швецияның НАТО-ға қосылуын мақұлдайтын құжатқа қол қойды.
ERNUR.KZ. Бұл туралы Түркия басшысының әкімшілігінен мәлім етті, деп жазады inform.kz.
«2023 жылдың 23 қазанында Швецияның НАТО-ға қосылуы туралы хаттамаға президент Режеп Тайип Ердоған қол қойып, құжат Түркияның Ұлы ұлттық жиналысының қарауына жіберілді», - делінген президент әкімшілігінің байланыстар жөніндегі басқармасының әлеуметтік желідегі парақшасында.
Кейіннен НАТО-ның бас хатшысы Йенс Столтенберг Түркия басшысының бұл қадамына қолдау білдіріп, мәлімдеме жасады.
«Президент Ердоғанмен кездесуде айтып өткенімдей, бұл бүтін Альянсты қуатты әрі қауіпсіз ете түседі», - деді ол.
Сейсенбі күні Й.Столтенберг Швецияға барып, елдің премьер-министрі Кристерссонмен кездеседі.
Бұған дейін хабарланғандай, шілде айында Түркия Швецияның НАТО-ға қосылуын құптауға келісті. Оның алдында Анкара бұл ұсынысты қолдамай келген еді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
