​Құймақ пирогы

Таңғы асқа жылдам даярланатын пирогтың бiрi – кәдiмгi құймақтан әзiрленедi. әрине, құймақты бiр-екi күн бұрын, алдын ала пiсiрiп қоюыңызға болады.

Қажетті заттар:

*** 10 дана құймақ

*** 500 грамм сүзбе

*** 2 ас қасық қаймақ

*** 5 ас қасық қант

*** 3 дана жұмыртқа

*** 1 пакет ваниль қанты

*** 3 ас қасық майонез

Дайындау тәсілі:

1.Құймақ iшiне салынатын салманы әзiрлеп алыңыз. Сүзбеге 1 дана жұмыртқа, 2 ас қасық қант, ваниль қантын қосып араластырыңыз.

2.Әр құймаққа салманы салып, рулет секiлдi ораңыз.

3.Қалыпқа май жағып, спираль секiлдi құймақтарды бiрiнен соң бiрiн орналастырып шығыңыз.

4.Құймақтың үстiнен құятын құйма үшiн, 2 дана жұмыртқаға 3 ас қасық қант және 2 ас қасық қаймақ қосып араластырыңыз.

5.Қалыптағы орала салынған құймақ бетiне құйманы құйыңыз.

6.190 С қыздырылған пешке 30 минутқа қойыңыз.

7.Пiскен құймақ пирогын үшбұрыштап турап, тарелкелерге салып, таңғы аста шаймен емесе кофемен ұсынсаңыз, өте дәмдi.