Фитнес-билердің көмегімен арықтауға әрі денсаулықты нығайтуға болады.
Көз тартар көрік пен сүйсіндіретін сымбатқа қол жеткізу оңай емес. Ол үшін үнемі белсенді болып, көп қозғалу керек. Жаттығу жасауды да жадыңыздан шығармаңыз. Бірақ, кейбір жандар жаттығу жасағанды қаламайды. Олардың да сымбатты болуға мүмкіндігі бар. Қалай дейсіз бе? Би билеу арқылы. Фитнес-билер тек қана дене бітімін қалыпты ұстауға көмектеспей, денсаулыққа да оң әсер береді. Міне, сондай бидің бірі - зумба.
Зумба - қандай би?
Зумба - бұл топтық фитнес-би. Онда әдеттегі аэробты қозғалыстар, латын-америкалық бидің, хип-хоп пен шығыс биінің қимылдары бар. Сабақ сальса, румба, меренге, фламенко және басқа бағыттар ырғағымен өткізіледі.
Зумба артық салмақ тастауға арналған жаттығуларға қарағанда ерекше. Өйткені, билеу арқылы көңілді кештерде жүргендей әсер қалдырады. Классикалық зумбадан басқа, фитнес бағдарламасының тағы тоғыз бағыты бар - бассейндегі Aqua Zumba-дан бастап Zumba жоғарғы денеге қосымша жүктеме алу үшін гантельдермен сергіту жаттығулары сияқты түрлері бар. Сондай-ақ, 0-3 жастағы балаларға арналған Zumbini жекелеген бағыттары мен жаттығумен шұғылданғысы келетіндер үшін әуен ырғағымен кардио жаттығуларын күшейте отырып, Zumba жоғары қарқындылығы бойынша жасауға болатын музыкалық би жаттығулары да бар.
Оның көмегімен қалай тез арықтауға болады?
Зумба - бұл жоғары және төмен қарқындылықтағы би қимылдары кезектесетін жаттығулар. Осылайша, процесс демалуды қажет етпейді және сіз барлық импульстармен 40-50 минуттық сабақта жүре аласыз.
Сіз бір жаттығуда шамамен 369 ккал-дан арыласыз. Егер аптасына бес күн жұмыс істейтін болсаңыз, тіпті тамақтану кезінде калория жетіспейтін болғанның өзінде 3-4 апта ішінде бір килограм майдан арылуға болады. Аздап диета ұстап жіберсеңіз 1,5-2 аптада артық салмақ тастай бастайсыз.
Жүгіруден немесе басқа кардио жаттығулардан зумбаның айырмашылығы жарқын би ырғағы мен музыкаға ауысу сезімі арқылы күш-жігер жұмсауды азайтады. Басқаша айтқанда, сіз терлеп, еркін дем аласыз, шаршап қиналмайсыз.
Зумбаның арықтатудан басқа қандай көмегі бар?
Жаттығу барысында максималды жүрек соғу жиілігінің 64–94% аралығында және орташа алғанда 79% болады. Бұл жүрек-тамыр жүйесінің жұмысын жақсартып, ағзаның күшеюі үшін жеткілікті.
Сонымен қатар, зумба дененің бұлшықеттерін күшейтеді. Би қадамдары мен қимылдары іш бұлшықеттерін нығайтады. Секіру қимылдары жамбас пен бөксені әдемі ете түседі.
Зумба билей алмайтындар не істеу керек?
Зумба хореографиясы тек би стилінің негізгі қимылдарын қамтиды және бұрынғыдай би немесе спорттық тәжірибені қажет етпейді. Кез-келген қозғалысты бірнеше минуттан кейін үйренуге болады. Ал комбинация, әдетте, қатарынан бірнеше рет қайталанады, сондықтан оларды есте сақтау қиын емес. Сонымен қатар, кез-келген көңілді кеш сияқты, зумба да классикалық формальдылықтан алшақ. Негізгі қозғалыстардың бөлігі ретінде сізде әлі де импровизацияға орын бар. Ең бастысы – белсенді билеу арқылы одан ләззат алу.
Зумбамен кімдер айналысуға болмайды?
Зумба өте қарқынды жаттығу әдісі болғандықтан, оған жүктілік кезінде мұқият болу керек. Сабақты бастамас бұрын дәрігермен кеңесіп, жаттықтырушыға хабарлаңыз.
Сондай-ақ, егер сіздің тізеңізде немесе арқаңызда ауырсыну болса, артрит және буындар мен омыртқаның басқа аурулары болса, нұсқаушыға ескерту қажет. Зумбаның кейбір комбинацияларында сіздегі ауруларға зиян келтіретін тез қарқынды қозғалыстар бар. Егер сізде қант диабеті болса, физикалық белсенділік кезінде сіздің қант деңгейі әдеттен ауытқып кетуі мүмкін. Бірінші жаттығу сабағына барар алдында дәрігермен кеңесу керек. Сондай-ақ, жүрек-қан тамырлары аурулары болған кезде қарқынды би билегенде абай болыңыз. Алдымен кардиологқа барыңыз.
Қаншалықты жиі айналысуға болады?
Классикалық зумба күшке салатын қозғалыстарды қамтымайтындықтан және бұлшықеттер мен орталық жүйке жүйесін қатты шаршатпайтындықтан, сіз кем дегенде күн сайын жаттығулар жасай аласыз. Осылайша сіз тез артық салмақ тастай аласыз.
Зумбамен айналысу үшін не істеу керек?
Биді бастау үшін өз қалаңызда сертификаты бар зумба нұсқаушысын табыңыз. Сабақтар үшін сізге тек бос орын, ыңғайлы киім мен кроссовка қажет.
Зумбамен тегін айналысуға бола ма?
Әрине! Зумба техниканы егжей-тегжейлі талдауды қажет етпейтін және құрамында күрделі элементтер жоқ болғандықтан, сіз YouTube-тағы бейнелердегі комбинацияларды үйрене аласыз. Жылдамдықты 0,25-ке өзгерту мүмкіндігі туралы ұмытпаңыз, сондықтан кез-келген элементті жасауға уақыт бар.
Дайындаған: Н.НАЛТАЙ,
Тағы да оқыңыз:
