АБАЙ ОБЛЫСЫ: Аягөз ауданының оқушылары «ақылды велосипед» құрастырды

Аягөз ауданының оқушылары «ақылды» велосипед құрастырды. Ecobike деп аталатын инновациялық көлік электр қуатын өндіреді, деп жазады 24.kz.

Өнертапқыш оқушылардың бұдан өзге де тың жобалары бар. Балалар «Экобайк» деп аталатын велосипедті бір айда құрастырды. Ізденімпаз оқушылар мен қолдаушы ұстаздардың идеясы іске асты. Көлікті құрастыруға қосалқы бөлшектер қолданып, аккумулятор орнатқан.

Берік Ысқақов, еңбек пәнінің мұғалімі:

«Бұл «Қалдықсыз мектеп» жобасы аясында жасалған құрылғы. Қосалқы бөлшектерден. Барлығы қолдан жасалды. Бұл жерде генератор. Арнайы генераторға диод қойылып, сол арқылы заряд беріледі. Оқушылар 15 минут үзіліс кезінде уақыттарын өткізу үшін бұл жерде генератор арқылы тоқ беріледі 220 Вт. Соткаларын зярядтауға болады».

Құрылғының бір ерекшелігі - мектептегі тазалықты да қадағалайды.

Жанерке Закирова, оқушы:

«Бізге қай жерде қай жәшік толып кеткенін айтып отыра алады. «Мысалға біз қаланың немесе мектептің картасын құрып ала аламыз да. Одан кейін мысалға бірінші жәшік толып кетті ма.Екінші қабаттағы жәшік толып кетті ма соны көрсетіп айта алады бізге».

Сонымен қатар өнертапқыш оқушылар зағип жандарға арналған электронды таяқ жасады. Мүмкіндігі шектеулі адамның алдынан кедергі шықса, құрылғы бірден белгі береді.

Ералы Ыбыраев, оқушы:

«Зағип жандардың жарақат алуын алдын алады. Яғни, кедергілерді көріп сигнал береді. «Қазақстанда өте аз. Сирек кездеседі».

Көзі нашар көретін жандар бұл таяққа қызығушылық танытып отыр. Енді жобаның авторы құлағы нашар еститін жандар үшін вибрациялық белгі беретін құрылғы жасауды жоспарлап отыр.