Ақсу қаласында қарттарды азаптаған пансионат қызметкері сотталды

15.04.2025 14:26

180

Сот үкімі заңды күшіне енген жоқ.

Фото: Анадолы

ERNUR.KZ. Ақсу қаласында «Қамқор» әлеуметтік қызметтер орталығының тұрғындарына қатысты қатыгездік көрсету жөніндегі резонанс тудырған іс бойынша сот үкімі шықты, деп жазады inform.kz.

— Сот отырысы Ақсу прокуратурасының бейнекамералардан алынған жазбаларды зерттеу нәтижесінде жүргізілген талдаудың қорытындысына сай шешім шығарды. Онда естен тандырырлық зорлық-зомбылықтың фактілері тіркелген, — делінген хабарламада.

Пансионат қызметкері жүйелі түрде қамқорлықтағы адамдарға физикалық күш қолданып, оларды көшеде жылы киімсіз қалдырып, қыстың суығында қатты тоңуға мәжбүрлеп, азап шектірген.

— Жасалған әрекеттердің ауырлығын және олардың салдарын ескере отырып, сот айыпталушыны кінәлі деп танып, үш жылға бас бостандығынан айыру жазасын тағайындады, — деп хабарлады прокуратурадан.

Сот үкімі заңды күшіне енген жоқ.