Ақтөбе облысы әкімдігі сиырлардың өлімі туралы ақпаратқа пікір білдірді

ERNUR.KZ. Ақтөбе облысының әкімдігі сиырлар аурудан өлгені туралы ақпаратқа қатысты пікір білдірді, деп жазады Tengrinews.kz.

"Аудандық ветеринарлық станцияның ветеринар мамандары жоспарға сәйкес ауыл шаруашылығы жануарларына аса қауіпті ауруларға қарсы ветеринарлық-профилактикалық іс-шараларды жүргізіп жатыр. Қолдану нұсқаулығына сәйкес, жануарларда вакцинациядан кейінгі синдром байқалды", - деді облыстық әкімшілік өкілдері.

Мал иелерінің өтініші бойынша ветеринар мамандар вакцинациядан кейін термометрия жүргізіп, мал иелеріне вакцинацияланған жануарларды сау жануарлардан бөліп, оларды жайылымға жібермеу керектігін түсіндірді.

"Бүгінде екпеден кейін ауырған малдар арасында өлім-жітім тіркелген жоқ. Облыс орталығында бір типтік мал қорымы бар, ветеринария мамандары мал қорымына сараптама жүргізді, өлген малдар табылмады", - деп толықтырды әкімдіктегілер.