Видеодан асфальттың опырылғаны көрінеді.
ERNUR.KZ. Әлеуметтік желілерде опырылған тасжол түсірілген видео тарады. Алматы әкімдігі бұл оқиғаның Алатау ауданында болғанын айтты, деп жазады Tengrinews.kz.
Видео Kozachkov offside Telegram-каналында жарияланды. Видеодан асфальттың опырылғаны көрінеді.
Алматы әкімдігінің өкілдері видеоға қатысты пікір білдірді.
"2020 жылдың 24 қыркүйегінде Алатау ауданының 13-ықшамауданында (Алғабас) диаметрі 160 миллиметр су құбыры желісі жарылды. Кепілдік міндеттемелер шеңберінде "АлматыИнжстрой" ЖШС мердігерлік ұйымымен қалпына келтіру жұмыстары жүргізілді. Сумен жабдықтау шамамен сағат 17.40-та жаңартылды.
25 қыркүйекте іргелес жатқан аумақтың іргетасы қабаттап тығыздалып, бұзылған телімдерге асфальт төселіп, абаттандырылды. Оның жарылу орны (12 шаршы метр) асфальт төсеу технологиясын сақтай отырып, осы жылдың 28 қыркүйегіне дейін қалпына келтіріледі", - деді әкімдіктегілер.
