Әуежай терминалында 750-ге жуық жолаушы ұшып кетуді күтіп отыр.
ERNUR.KZ. 16 ақпанда Алматы әуежайынан бес рейс тоқтатылып, 60-ы кейінге қалды, деп жазады zakon.kz.
Азаматтық авиация комитетінің мәліметінше, қазір әуежай терминалында 750-ге жуық жолаушы ұшып кетуді күтіп отыр.
"Қазір Алматы аэродромының аумағында нақты ауа райы: жел 4 м/с, көріну 10 км, тұман, ауа температурасы -17. Қазір ауа райы жағдайына және жауын-шашынға байланысты (қатты қар жауып, тұман) Алматы әуежайында ұшу-қону жолағы мен перронды тазалау жұмыстары жүргізіліп жатыр", - делінген хабарламада.
17 ақпанда түнгі сағат 02:00-ге дейін желдің екпіні 8 м/с, көру қашықтығы 800 м, қалың қар жауады, тұман түседі. 17 ақпанда сағат 10:00-ден бастап желдің екпіні 3 м/с жетеді, көріну 3100 м, жауын-шашынсыз, ауа температурасы -15.
"Ауа-райы жақсарған сайын рейстердің кешігуіне қатысты жағдай тұрақтанды. Әуежай басшылығы жұмылдырылды, авиакомпания өкілдері жұмыс істеп, жолаушыларды барлық қажет ақпаратпен қамтамасыз етіп жатыр", - делінген хабарламада.
ҚКА рейстердің кешігуі азаматтық авиациядағы басымдық екенін, ол жолаушылардың ұшу қауіпсіздігін қамтамасыз ету салдарынан болатынын атап өтті.
"Рейстердің кешігуі кейінгі рейстердің тізбекті кешігуіне әкелуі мүмкін. Сондықтан жолаушыларға әуе компаниясының және әуежайдың анықтамалық бөлімдерінде рейстің күйі мен жөнелту уақытын алдын ала тексеруге кеңес беріледі", - деп қорытындылады департамент.
Бұған дейін Алматы әуежайы қалың қардың рейстердің айтарлықтай кешігуіне әкелгенін хабарлаған. Әуежай әкімшілігі жолаушыларға түсіністікпен қарауды сұрады.
