Күдікті тұлғаларға қатысты қамауға алу түріндегі бұлтартпау шарасы қолданылды.
ERNUR.KZ. Алматы облысындағы аурухананы басқарған компанияның басшысы мен есепшісі өздеріне бағынышты ұйымдардан медициналық бұйымдарды көрінеу жалған сатып алған, деп жазады azattyq-ruhy.kz.
Қаржы мориториргі агенттігінің аумақтық департаменті аса ірі мөлшерде ұрлық жасады деген күдік бойынша тергеу жүргізіп жатыр.
Айта кетейік, медициналық мекеме 2020 жылдың қазан айында сенімгерлік басқаруға берілді.
«2020-2022 жылдар аралығында Әлеуметтік медициналық сақтандыру қорынан бөлінген 2,1 млрд теңгеден астам қаражат ұрланған», - делінген хабарламада.
Аталған тұлғаларға қатысты қамауға алу түріндегі бұлтартпау шарасы қолданылды.
«Тергеу жалғасып жатыр, ҚПК-нің 201-бабына сәйкес өзге де ақпарат жариялауға жатпайды», - деп ескертті ҚМА өкілдері.
ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі.
