Ал Алматыда аталған қалада, Алматы облысында және Абай ауданында есірткі сататын интернет-дүкеннің төрт ұйымдастырушысы ұсталды.
ERNUR.KZ. Алматы облысының полицейлері 55 келі мефедрон табылған жасырын есірткі зертханасын құрықтады. Синтетикалық есірткі өндіруді екі жергілікті тұрғын жеке үйдің ауласында ұйымдастырған, деп жазады Stan.kz
Ал Алматыда аталған қалада, Алматы облысында және Абай ауданында есірткі сататын интернет-дүкеннің төрт ұйымдастырушысы ұсталды.
“Іс-шара бір мезгілде Алматы және Семей қалаларында жүргізілді. Тінту барысында 8 есірткіні буып-түю материалдары, ақшалай қаражаттар мен ноутбуктер тәркіленді”, – делінген полиция таратқан ақпаратта.
Қарағанды облысында полицейлер сотталғандарға есірткі жеткізетін арнаны әшкереледі. Түзеу мекемелеріне тыйым салынған заттар сәлемдеме арқылы жеткізілген.
Жамбыл облысында есірткі сатушы 63 жастағы зейнеткер болып шықты, ол қалада ұзақ уақыт бойы героинді ірі көлемде жеткізу және сатумен айналысқан.
“Жедел-профилактикалық іс-шараның 10 күнінде полиция заңсыз айналымнан 337 келі түрлі есірткі, оның ішінде 87 келі синтетикалық есірткі және 7 мыңнан астам трамадол дәрілік препараттың таблеткасы тәркіленді”, – деп қосты полиция.
