Kia Rio көлігін жүргізуші Алматы қаласынан облысқа қарай жол тартқан.
ERNUR.KZ. Апат Құлжа трактісінде жаңа жолайрығының жанында болды, деп жазады Zakon.kz.
Kia Rio көлігін жүргізуші Алматы қаласынан облысқа қарай жол тартқан. Оның айтуынша, көлік жолайрығынан түсе бергенде, рөл оңға қарай тартқан.
Жүргізуші рөлді сол жаққа қарай бұрмақ болғанымен, көлікті тізгіндей алмай, қарсы қозғалыс жолағына ұшып кеткен.
Сурет: Zakon.kz
Көлік кептелісте тұрған Mitsubishi Chariot минивэнінің үстіне түскен, оның ішінде бүтін бір отбасы болған. Күйеуі, әйелі және екі кішкентай баласы жақын маңдағы ауруханаға жеткізілді.
