Алматыдағы соқтығысқан үш көліктің салдарынан 6 адам зардап шекті

иллюстрациялық фото: ашық дереккөзден

ERNUR.KZ. Алматыда үш көлік соқтығысып, алты адам зардап шекті, деп жазады Sputnik.

Бастапқы деректерге сүйенсек, Toyota Land Cruiser Prado мен Mercedes-Benz Е көліктері Солтүстік шеңбермен солтүстік бағытта кетіп бара жатқан. Неге екені белгісіз, жүргізушілердің бірі қарама-қарсы қозғалыс жолағына шығып кетіп, Mercedes-Benz C көлігімен соқтығысады.

Қатты соққыдан көлік қарсы беттік қозғалыс жолағына бір-ақ ығысып, бар жылдамдықпен Mercedes-Benz Е көлігін қаққан. Жол апаты салдарынан Mercedes-Benz C өртеніп кетті. Оқиға орнына өрт сөндірушілер мен құтқарушылар шақырылған.

Көлік апатынан алты адам зардап шеккен, біреуі – жүкті әйел.